2025-жылы агроөнөр жай комплекси үчүн 33 миллиард сомдон ашык каражат каралган

Бүгүнкү күндө агрардык саясат, суу ресурстары жана регионалдык өнүгүү боюнча комитеттин жыйынында Кыргыз Республикасынын суу ресурстары, айыл чарба жана кайра иштетүү өнөр жайы министри Бакыт Торобаев 2025-жылы агроөнөр жай комплекси үчүн 33 миллиард сомдон ашык каражат бөлүнө турганын билдирди.
Ал 2025-жылы жазгы талаа иштерин эффективдүү жана сапаттуу аткаруу, ошондой эле дыйкандарды жана агрегаторлорду колдоо үчүн өкмөт бир нече мамлекеттик долбоорлорду, мисалы, “ФСХ-13”, “КАПК”, “ФОТП”, “Асыл-тукум” жана “Жасалма уруктандыруу” долбоорлорун ишке ашыра тургандыгын белгиледи.
“ФСХ-13” программасынын алкагында 4 миллиард 92 миллион 700 миң сом 10% ставка менен бөлүнөт. “КАПК” үчүн 6% ставка менен 4 миллиард сом, ал эми “ФОТП” үчүн 6% ставка менен 2 миллиард 200 миллион сом каралган. Бонустук мал чарбасын өнүктүрүү программасына 3% ставка менен 5 миллиард 555 миллион 500 миң сом бөлүнөт.
Бакыт Торобаев президент Садыр Нургожоевич айыл чарбасын өнүктүрүүгө чоң көңүл буруп жатканын белгиледи. Мисал катары 2024-жылы агроөнөр жай комплекси 13 миллиард сом алганын, 2025-жылга пландаштырылган каражат 33 миллиард 497 миллион сом экенин айтты.