Кыргызстандын мамлекеттик карыз өлчөмү аталган

Кыргызстандын мамлекеттик карызы 2024-жылдын 31-декабрына карата жалпы $6 миллиард 569,58 миллионго жеткенин Экономика министрлиги берген маалыматта айтылат.

Бул сумма боюнча тышкы карыз $4 миллиард 514,86 миллион, ички карыз болсо $2 миллиард 54,72 миллионду түзөт.

2023-жылдын 31-декабрына карата маалыматтар менен салыштырганда, тышкы карыз $137,87 миллионго төмөндөгөн, ал эми ички карыз $426,92 миллионго көбөйгөн.

Ошентип, мамлекеттик карыздын жылдык өсүшү $289,04 миллионду түздү. Ички карыздын эң чоң бөлүгү узак мөөнөттүү карыздык кагаздар аркылуу түзүлүп, жалпы $2 миллиард 28,96 миллионду (98,7%) түзөт. Тышкы карыздын негизги бөлүгү Кытайдын Экспорт-импорт банкына тиешелүү, анын суммасы $1 миллиард 654,29 миллион (36,6%) болуп саналат. Алдын ала маалыматтар боюнча, 2024-жылдын 30-ноябрында мамлекеттик карыз ички дүңprodukциянын 37,52%ын түзөт.

Башкы беттеги сүрөт: Paul Yeung / Bloomberg.