Кыргызстан Fruit Logistica көргөзмөсүндө экспорттук потенциалын көрсөттү

Кыргызстан Берлине өткөн Fruits Logistica эл аралык көргөзмөсүндө өз мүмкүнчүлүктөрүн көрсөттү. Экономика жана соода министрлигинин билдирүүсүнө ылайык, иш-чарада Кыргызстандан жети компания катышты:

- Trade and Logistics Center Global Agro (Жалал-Абад облусу);

- ОсОО «Интерфрут» (Кадамжай);

- С.Х.К. «Алыш Дан Органик» (Баткен);

- КХ «Ишкер Кей Джи» (Жалал-Абад);

- ОсОО «Баткен Фрутс Компани» (Баткен);

- ОсОО «ОСКО» (Бишкек);

- ОсОО «Sun Planet Organic» (Жалал-Абад).

Кыргызстандын Германиядагы элчиси Омурбек Текебаев да көргөзмөнү зыярат кылды.

Иш-чарада кургатылган жемиштерди, жаңгактарды, жана алардын иштетүүсү менен алектенген кыргызстандык белгилүү компаниялар көрсөтүлдү, алардын катарында грек жаңгагы жана абрикос майлары, фисташка пастасы жана кургатылган жемиштерден жасалган кондитердик азыктар да бар. Катышуунун негизги максаты өлкөнүн бизнес-потенциалын эл аралык аренада илгерилетүү болду.

Эл аралык рынокко ийгиликтүү чыгуу үчүн, компаниялар төмөнкү критерийлерге жооп беришти:

- Продукция аккредиттелген лабораторияларда лабораториялык сыноолордон өттү, тамак-аш коопсуздугу жөнүндө мыйзамдардын талаптарын сактоо;

- HACCP же ИСО 22000 системаларын киргизишти;

- Товарларды маркировка жана оору боюнча ЕСдин талаптарына жооп беришти.

Кыргызстандык продуктылар европалык сатып алуучулар жана өндүрүшчүлөр арасында чоң кызыгуу жаратты. Көргөзмөнүн учурунда көптөгөн B2B жолугушуулар жана бизнес сүйлөшүүлөр болду.

Иш-чаранын жыйынтыгы боюнча Германиядагы Кыргызстандын элчилигинде кыргызстандык ишкерлер катышкан жолугушуу болуп өттү, анда жергиликтүү өндүрүшчүлөрдүн ЕС рыногуна кирүү мүмкүндүктөрүн жеңилдетүү жана зарыл инфраструктураны түзүү маселелери талкууланды.