«Кыргыз экспорт»: Худжандда бизнесмендер Кыргызстандан этке кызыгышса, Ташкентте - кыргыз абрикосуна

Худжандда 1 килограмм койдун этине 950 сом баа жетет, бул Кыргызстандан келген ошол эле эттин баасынан эки эсе жогору. Бул тууралуу «Кыргыз экспорт» борборунун директорунун орун басары Тилек Жумалиев 2025-жылдын 16-апрелинде радиодогу интервьюсунда билдирди.

Анын сөзүнө караганда, Тажикстанга болгон акыркы сапарында жергиликтүү рыноктун аналитикасы жүргүзүлгөн.

«Рыноктогу сатуучулар бизге эт жана башка айыл чарба товарларын ташууну уюштуруу боюнча кайрылышты. Май айында Душанбе жана Худжандга айыл чарба жана текстиль тармагындагы бизнес өкүлдөрүн жиберүүнү пландап жатабыз», - деп кошумчалады ал.

Мындан тышкары, Жумалиев «Кыргыз экспорт» уюмунун Өзбекстанга болгон акыркы визити тууралуу да айтып берди, анда 10дон ашык кыргызстандык компания өкүлчүлүгү катышты. Ташкентте суу заводуунун ээсинин Кыргызстандан абрикос импорттоого кызыгуу бар экенин белгиледи.