Сауда согушу. Китай АКШдан келген бардык продукцияга 34 пайыз тариф киргизет

Кытайдын Мамлекеттик кеңеши Америка Кошмо Штаттарынан келүүчү бардык продукцияга 34% жаңы тарифтерди киргизүүнү жарыялады. Бул чечим президент Дональд Трамптын администрациясы тарабынан кабыл алынган тарифтик чараларга жооп болду.

Кытайдын Мамлекеттик кеңешинин Тарифтер комиссиясынын маалыматына ылайык, мындай аракеттер АКШнын мыйзамдуу кызыкчылыктарын бузуп, эл аралык соода нормаларына ылайык келбейт. Маалыматта ошондой эле бул бир тараптуу басымдын үлгүсү катары каралганы айтылган.

Эске сала кетсек, ушул жылдын 2-апрелинде Ак Үй импорт үчүн жаңы тарифтер системасын киргизди, анын негизги ставкасы бардык товарлар үчүн 10% түзгөн. Бирок, Кытай, Вьетнам жана Евробиримдик өлкөлөрү сыяктуу айрым өлкөлөр үчүн тарифтер кыйла жогору: Кытай үчүн 34%, Вьетнам үчүн 46% жана ЕБ үчүн 20%.

Мындан тышкары, Трамп тарабынан киргизилген Кытайдан келип жаткан товарларга коюлган жаңы тарифтер мурдагы иштеп жаткан тарифтер менен кошулат, натыйжада Кытайдан импорттун жалпы ставкасы 54% га жетти, деп билдирген кийинчерээк АКШнын каржы министри.