Агроөндүрүшчүлөр 3-6% пайыздык ставкасында арзан насыялар жоктугуна даттанууда, - депутат

Жогорку Кенештин агрардык саясат боюнча комитетинин жыйынында депутат Нилуфар Алимжанова фермерлер үчүн арзан кредиттер, алардын жеткиликтүүлүгү жана табигый кырсыктар болгон учурда колдоо чаралары тууралуу маселени көтөрдү.

Анын айтымында, көптөгөн айыл чарба иштетүүчүлөр 3-6% өлчөмүндөгү пайыздар менен арзан кредиттердин жоктугунан нааразы болушууда.

«Азыр жеткиликтүү финансылык каражаттар 10% пайыз менен, бирок бул жетишсиз. Фермерлер 8% пайыз менен кредит алууга тийиш, бирок менин оюма караганда, пайыздар дагы төмөн болушу керек. 3% пайыз менен кредиттер фермерлер үчүн чындыкка айлануусу абдан маанилүү. Андай болбосо, тейлөө эсепке алынып, бул сумма көтөрүлүп кетиши ыктымал», - деп баса белгиледи депутат.

Алимжанова ошондой эле фермерлер сел агымдарынын кесепетинен тарткан чыгымдарына көңүл бурду.

«Мамлекет кепилдиктер бериши керек. Айрым фермерлер жардам алуу үчүн кайда кайрылыш керек экенин билишпей жатканын айтышты», - деп кошумчалады ал.