Германиянын бундестагына болгон шайлоодо консервативдик ХДС/ХСС блогу жеңишке жетти, экинчи орунда — «Германия үчүн Альтернатива»

ХДС/ХСС блогу тарабынан канцлерликке талапкер Фридрих Мерц (оң жакта) жана ХСС башчысы Маркус Зёдер шайлоочулардын штабында
Шайлоодо экинчи орунду «Германия үчүн Альтернатива» ээлеп, 20.8% добуш алды. Андан кийин Социал-демократиялык партия (СДПГ) 16.4%, «Жашылдар» 11.6% жана Сол партиясы 8.7% добуш топтоду. 2023-жылы түзүлгөн жаңы партия «Сары Вагенкнехт альянсы» беш пайыздык тосмону да өтө албай, 4.9% добуш алды.

Ошентип, жаңы парламентте консервативдик ХДС/ХСС блогу 208 орун, «Германия үчүн Альтернатива» 152 орун, Олаф Шольцтун Социал-демократиясы 120 орун, «Жашылдар» 85 орун жана Сол партиясы 64 орун ээлейт.

Германиянын учурдагы канцлери Олаф Шольц шайлоо түнүндө өзүнүн жеңилип жатканын мойнуна алып, ХДС/ХСС башчысы Фридрих Мерцти бул маанилүү жеңиши менен куттуктаган. Мерц өз кезегинде: «Мен Германиянын бардык саясий кызыкчылыктарын өкүлчүлүк кылган федералдык өкмөт түзүүнү максат кылам жана өлкөнүн түйшүктүү маселелерин чечемин» деди.

Консерваторлорду куттуктаган америкалык президент Дональд Трамп да бүгүнкү постунда Германиянын эли «усулсуз саясаттан, айрыкча энергетика жана иммиграция тармагында, көп жылдан бери чарчады» деп белгиледи.