Путин менен Трамптын жолугушуусу Украинанын келишимдериндеги прогресске байланыштуу, - Рубио

«Бул качан болорун айта албайм, бирок Путин менен Трамптын жолугушуусу болушу керек жана ал натыйжалуу болушу керек. Биз баарлашуу эмне тууралуу болорун жана кандай натыйжаларга жетишерибизди түшүнүшүбүз керек», — деди Рубио журналист Кэтрин Херридж менен берген интервьюсунда, ал X баракчасында жарыяланып чыккан.

Ошондой эле, ал мурдакы АКШ президенти Джо Байдендин башкаруусунда Москва менен Вашингтон ортосундагы байланыштордун төмөндөшүнөн кооптонушун билдирди. Рубио, салкын согуш учурунда маалымат каналдары болгону менен, учурда ошол каналдардын дээрлик иштебей калганын белгиледи.

АКШ жана Россия делегацияларынын акыркы сүйлөшүүлөрү жөнүндө сөз кылган мамлекеттик катчы, аймактык маселелер талкууга алынбаганын белгиледи. «Сүйлөшүүлөрдүн негизги максаты тынч сүйлөшүүлөргө реалдуу кызыгуу бар-жогун аныктоо болду», — деди ал.

Россия президентинин басма сөз катчысы Дмитрий Песков учурда Путин менен Трамптын жолугушуусуна даярдык көрүүгө канча убакыт талап кылынарын алдын ала айтуу кыйын экенин билдирди. Ал, эки президент да жолугушууга катышууга чоң каалоо билдиргенине карабастан, мөөнөт жөнүндө сүйлөшүү азырча эрте экенин баса белгиледи.