Жүрөк хирургиясы институтундагы өрт. Саламаттык сактоо министрлиги институттун медиктерин сыйлады

Кыргызстандын жүрөк операцияларынын илимий изилдөө институтунун жана Улуттук кардиология борборунун кызматкерлери өз мекемесинде орун алган өрт учурундагы аракеттери үчүн Саламаттык сактоо министрлигинен сыйлыктарга ээ болушту.
Окуя 11-февралдын кечинде жүрөк операцияларынын жана орган трансплантациясынын илимий изилдөө институтунун имаратында болуп, анда 104 адам болгон: 50 бейтап, анын ичинде 19 бала, 32 карап келген адам жана 22 институттун кызматкери.

Саламаттык сактоо министрлиги медицина кызматкерлеринин эвакуациялоодо жана шашылыш медициналык жардам көрсөтүүдө активдүү катышканын белгиледи.