Депутат Жаны-Ноокатта оорукананын курулушун сурады

2025-жылдын 1-январына карата Ноокат районунда жайгашкан Жаны-Ноокат айылында жашаган адамдардын саны 34 144 кишини түздү. Бул маалыматты 19-февралда өткөн парламент отурумунда депутат Советбек Рустамбек уулу билдирди.

Ал жергиликтүү оорукананын имараты 1960-жылы курулганын белгилеп, анын кайра курулуучу долбоору чындап эле планына киргизилгенине үмүт артып жатканын айтты. «Эгер курулуш ушул жылы башталса, абдан жакшы болмок», - деп кошумчалады ал.

Андан тышкары, депутат таза суу менен камсыздоо маселесин көтөрдү. Ал бир нече айылда жергиликтүү тургундар мурда иштеп турган кудуктарды калыбына келтирүүнү талап кылаарын маалымдады.