Кыргызстанда робот-хирургдар катышкан операциялар жүргүзүлө баштады

Травматология, ортопедия жана экстремалдык хирургия кафедрасынын башчысы, Кыргыз мамлекеттик медициналык академиясынын мүдүрү Сабырбек Джумабеков өлкөдө робот-хирургдар менен операцияларды жүргүзүүнү киргизүү планы жөнүндө маалымдады.

Ал Кытайдагы соңку сапарында роботташтырылган хирургиялык системаларды чыгарган заводдордун өндүрүш процессин таанышып чыкты. «Биз робот-хирургдардын ишин көрүп, операцияга катышып, бул ыкманын бардык артыкчылыктарын жана кемчиликтерин көрүү мүмкүнчүлүгүнө ээ болдук. Адамдык фактор дагы деле болсо чечүүчү мааниге ээ, бирок хирургияда роботташтырылган системаларды пайдалануу заманбап дүйнөдө зарылдыкка айланып жатат. Жакын арада Кыргызстанда биринчи мындай системалар иштей баштайт», - деди Джумабеков.