205 миң окуучуга ылайыктуу 230 миң окуучу билим алууда, - Бишкектин вице-мэри

Депутаттык "Мекенчил" тобунун жыйынында 14-мартта мэрдин орун басары Виктория Мозгачёва Бишкекте 2025-жылы 12 жаңы мектеп салуу планы жөнүндө маалымат берди.

Ал учурда Ак-Бата жашоочулар массивинде мектептин курулушу аяктап жатканын, ошондой эле Кок-Жарда №88 мектептин жаңы корпусу курулууда экенин белгиледи.

«Биздин шаарда 205 миң орундуу мектептер бар, бирок 230 миң окуучу билим алууда. Жаңы мектептердин санынын керектиги кеминде 15 болушу абзел. Ар жылы 1-класстын окуучуларынын саны көбөйүп жатат. 2023--жылы 18 миң 1-класс окуучусу кабыл алынса, быйылкы окуу жылында 25 миң болду. Кээ бир мектептер болсо жүктөлгөн эмес. Биз айрым окуу жайларын бириктирүү боюнча аракеттерди баштадык, жана бул оң көп натыйжа берди. Мисалы, быйыл №28 жана №70 мектептери бириктирилди. Биз толтурулган мектептерди бошотуу иштерин улантууга пландап жатабыз», — деп кошумчалады ал.