Ош шаарында жер силкинди: Мектепте жарды, окуучулар эвакуацияланды (видео)

Бүгүн Ош шаарындагы Кызыл-Кыштак муниципалдык аймактык башкармалыгына караштуу Ишкаван айылында жер силкинүүсү болуп, К.Маткеримов атындагы №64 мектеп жабыркаганы тууралуу Turmush агенттигинин кабарчысы билдирет.

Кызыл-Кыштак муниципалдык аймактык башкармалыгынын орун басары бул маалыматты тастыктады.

Анын айтымында, мектептин негизги имараты 1985-жылы курулуп, негизги имараттын артында 1990-жылы кошумча корпусу салынган.