Саудия Аравиясы $50 миллион бөлөт, акчанын бир бөлүгүн Бишкекте 12 мектеп курууга жумшайт, - мэр

2025-жылга карата борбордун бюджет долбоору боюнча коомдук угуу учурунда Бишкек мэри Айбек Джунушалиев Саудия Аравиясы президент Садыр Жапаровдун колдоосу менен $50 миллион бөлүп жатканын билдирди, бул учурдагы НБКР курсунда 4,4 миллиард сомго тең келет.

Мэрдин айтып кетишинче, бул каражаттар толугу менен борбордун муктаждыктарына жумшалат.

Атап айтканда, Бишкекте 12 жаңы мектеп куруу пландалууда.

Саудия Аравиясы башында 30 чакан мектеп курууну сунуштаган, бирок кыргыз тарап өз долбоорлорун сунуштап, ушул 12 мекемени тандоого алып келгенин Джунушалиев белгиледи.

Өткөн жумада аталган каражаттарды бөлүү боюнча жыйындар өткөн, учурда керектүү процедуралар күтүүдө. «Ал процедуралар аяктаган соң, мектептти куруу башталат», - деп кошумчалады мэр.

Ошондой эле, 2023-жылы республикалык бюджеттин эсебинен 15 мектеп жана 1 балдар бакчасы курулганын эске салды.