Курулуш министрлиги көп кабаттуу имараттардын биринчи кабатында жеке мектептерди жайгаштырууну карап жатат

Кыргызстан Республикасынын Курулуш, архитектура жана коммуналдык кызмат министрлиги көп кабаттуу үйлөрдүн биринчи кабаттарында жеке мектептерди уюштуруу мүмкүнчүлүгүн карап жатат. Бул тууралуу министр Нурдан Орунтаев 15-апрелде Жогорку Кеңештин курулуш боюнча комитетинин жыйналышында билдирди.

Министрдин айтымында, бул кадам билим берүү мекемелеринин санын арттырууга мүмкүндүк берет.

Буга чейин өкмөт жекече инвесторлорго Бишкек жана Ош шаарларында мектептерди жана балдар бакчаларын салууга мүмкүнчүлүк берип, жер участкасын акысыз берүү чечимин кабыл алган. Бул чечим билим берүү мекемелеринин жетишсиздиги маселесин чечүүгө багытталган.