Биримдик-Кут конушунда жаңы бала бакча курулат. Эскиздер

Капиталдык курулуш башкармалыгы Биримдик-Кут турак жай массивинде 280 орундуу эки кабаттуу бала бакча куруу үчүн тендер жарыялады.

Мэриянын басма сөз кызматынан маалымат катары белгилүү болгондой, жаңы имараттын болжолдуу аянты 2927 квадраттык метрди түзөт. Проекттин болжолдонгон баасы — 175 миллион 120 миң 45 сом.

Курулушту каржылоо шаардык бюджеттин эсебинен жүргүзүлөт.

Эскерте кетсек, административдик-территориялык реформа учурунда Биримдик-Кут турак жай массиви Бишкектин Свердлов районунун курамына киргизилген.