Билим министрлиги: Муғалимдер үчүн ноутбуктар Караколдо апробациядан өттү

Караколдо мугалимдерге тапшырылган ноутбуктардын апробациясы аяктады. Билим берүү жана илим министринин орун басары Надира Джусупбекова бул тууралуу 2-апрелде парламенттин жыйынында билдирди.

Ал өкмөт зарыл каражаттарды бөлүп, техникалык өзгөчөлүктөрдү бекиткенин белгиледи.

«Караколдун мугалимдери жабдыктарды сыноо өткөрүп, эмне жакшыртылышы керектиги жана техника кай жерде натыйжалуу иштебей жаткандыгы боюнча пикирлерин берди. Биз бул сунуштарды тапшырдык жана процессти тездетүүнү өтүндүк», - деп кошумчалады ал.

«Ынтымак» фракциясынын депутаты Аида Исатбек кызы жаңы окуу жылына чейин бардык педагогдор ноутбуктар менен камсыздаларын үмүт кылды.