Ош шаарында эки мектептин окуучулары жана мугалимдери эвакуацияланды

Бүгүн, 1-апрелде, Ошто 11:50де А.Навои жана Макаренко атындагы окуу жайларда мүмкүн болгон бомбаны аныктоо жөнүндө билдирүү келип түштү.

Бул маалыматты шаардык ички иштер башкармалыгынын басма сөз кызматы берди.

Алардын маалыматына ылайык, окуя болгон жерге тиешелүү кызматкерлер келип, эвакуацияны уюштурушту.

«Азыркы убакта жергиликтүү бийлик өкүлдөрү жана адистер жардыруучу шаймандарды текшерүүдө. Окуучулар жана мугалимдер имараттан чыгарылды», - деп айтылган расмий билдирүүдө.

• Ошондой эле 25-мартта Ошто Алишер Навои паркынын ичинде табылган жардыруучу шаймары тууралуу маалымат түшкөнүн эске салуу керек. Бул окуя калп болуп чыкты.